Атаның айуандығы: Түркістанда зейнеткер немересін зорлаған, бала арнайы орталыққа орналастырылды
Фото: Pixabay
Түркістан облысы Отырар ауданында немересін зорлады деген күдікпен нағашы атасы тергеуге алынды, деп хабарлайды QazaqToday.info ақпараттық порталы.
“Информбюро” бағдарламасының мәліметінше, қария екінші сыныптың ұлына зорлық көрсетті деген күдікке ілінді. Баланың анасы “ұлымды туған әкем зорлады” деп полицияға арыз түсірген.
Өзіне тағылған айыптың рас-өтірігі арнайы сараптама қорытындысынан кейін белгілі болады.
Тәртіп сақшылары қылмыстық іс қозғап, мән-жайды анықтауға кірісті. Балалар омбудсмені Динара Зәкиева сегіз жастағы ұл арнайы орталыққа жатқызылғанын жеткізді. Қазір жәбірленушіге психологтар көмек көрсетіп жатыр.
“Бұл оқиғаға қатысты қылмыстық іс қозғалды. Жәбірленуші уақытша “Балаларға арналған орталыққа” жатқызылды. Қазір полиция тергеу жұмыстарын жүргізіп жатыр”, – деді ол.
Динара Закиева бұл жағдайдың өзінің жеке бақылауында екенін айтты.
