Алматы облысындағы Көлсай көлдері маңында тау басындағы тұрақтан туристік микроавтобус жардан құлап кетті, деп хабарлайды Qazaqtoday ақпарат агенттігі.
Оқиғаның видеосы әлеуметтік желіде тарап, көпшіліктің алаңдаушылығын тудырды. Кадрлардан көліктің таудың биік беткейінен төмен қарай домалап, бірнеше рет аударылып құлағанын көруге болады.
Бақытымызға орай, оқиға кезінде көлік ішінде ешкім болмаған. Соның арқасында адам шығыны мен зардап шеккендер жоқ.
«Алматы облыстық полиция департаментінің мәліметінше, көлік құралы тұрақтан беткейге өздігінен сырғып кеткен. Көлік иесі полицияға арызданудан бас тартты және ешкімге кінә артпайды», — делінген ресми хабарламада.
Фото: Әлеуметтік желіден
