20 000 теңгелік банкнот жаңарады: Сүлейменов жаңа купюраның шығатын күнін айтты
Ұлттық банк төрағасы Тимур Сүлейменов номиналы 20 000 теңгелік жаңа банкноттың қашан айналымға шығатынын мәлімдеді. Ескі купюра біраз уақыт қолданыста болады.
Қазақстанда номиналы 20 000 теңге болатын жаңа банкнот 2027 жылы айналымға енеді, деп хабарлайды Qazaqtoday ақпарат агенттігі.
Бұл туралы Ұлттық банк төрағасы Тимур Сүлейменов мәлімдеді. Оның айтуынша, жаңа дизайнмен шығатын купюра қазіргі үлгідегі банкнотты біртіндеп алмастырады.
«Номиналы 20 000 теңгелік жаңа банкнотты 2027 жылы айналымға шығару жоспарланып отыр», — деді Ұлттық банк басшысы.
Сонымен қатар, ескі үлгідегі 20 000 теңгелік банкнот айналымнан толық алынғанға дейін заңды төлем құралы болып қала береді. Яғни, екі купюра да белгілі бір уақыт аралығында қатар қолданыста болады.
Фото: Әлеуметтік желіден
