Әзербайжан әскері Қарабақтағы жерлерін қайтарып жатыр

Әзербайжан әскері Таулы Қарабақта ауылдық елді-мекендерді қайтарып жатыр. Бұл туралы turan.az порталы жазды.

Әзербайжан әскерлерінің Фаррух ауылын қайтарып алғаны, көршілес Пирляр ауылында Армения әскері қорғанысқа жиналып жатқаны хабарланды.

Армения тарапы кезекті рет араңдатушылыққа барып, әзербайжандардың Ресей бітімгершілік күштерінің Украинадағы соғысқа жіберілгендігін пайдаланып, бұрынғы Аскеран ауданының Фаррух ауылын «басып алғанын» мәлімдеді. Ал Әзербайжан жағы мұның шындыққа жанаспайтынын, Қарабақтағы өз ауылын бір оқ шығармай, қайтарып алғанын айтты.