«Сені зорлаймын»: Семейде ер адам жасөспірімдерге тиісіп жүр

Семейде ер адам жасөспірімдерге тиісіп, ауыр сөз айтқан. Бұл туралы QazaqToday.info ақпараттық порталы хабарлайды.
Көшеде келе жатқан бір топ балаға бейтаныс ер адам жақындап, әңгімеге тартпақ болған.
Алғашында бірге ішімдік ішуді ұсынып, күмәнді әрекет көрсеткен.
Балалар үзілді-кесілді бас тартқаннан кейін жағдай ушыға түскен.
Куәгерлердің айтуынша, ер адам ашық түрде қорқытып, шектен шыққан сөздер айтқан.
Бұл жағдай балалардың қауіпсіздігіне қатысты үлкен мәселені қайта көтерді.
Жергілікті тұрғындар мұндай адамдардың еркін жүруіне алаңдап отыр.
Олар құқық қорғау органдарынан күдіктіні тез арада тауып, қатаң шара қолдануды талап етуде.