СКО-да балықтар түгел қырылып қалған: су беті өлік балыққа толды

Фото: видеодан скрин

Солтүстік Қазақстан облысында жол бойындағы су айдынынан жүздеген өлі балық табылды. Видео авторының айтуынша, көрініс ауыл маңындағы Кантемировка маңында түсірілген. Бұл туралы QazaqToday.info ақпараттық порталы хабарлайды.

Кадрларда су бетіне қалқып шыққан балықтардың көптігі бірден көзге түседі. Жергілікті тұрғындар бұл жағдайға алаңдап, себептерін анықтауды талап етіп отыр.

Әлеуметтік желіде тараған пікірлерде балықтардың қырылуы оттегінің жетіспеуінен болуы мүмкін делінеді. Алайда нақты себеп әзірге ресми түрде расталған жоқ.

Бұл жағдай экология мен су айдындарының жағдайына қатысты сұрақтарды қайта көтерді. Жауапты органдардың үнсіздігі тұрғындардың наразылығын күшейтіп отыр.

Мамандар тексеріс жүргізбейінше, нақты қорытынды жасау қиын екенін айтады. Ал әзірге халық “бұл қалыпты жағдай ма, әлде бақылаудың жоқтығы ма?” деген сұраққа жауап күтуде.

Дереккөз: halyqpresskz (видео: sagitt97