Атырауда оқушыға ит шапты: қаңғыбас иттер мәселесі қауіпті деңгейге жетті

Атырау қаласында қаңғыбас иттерге байланысты тағы бір алаңдатарлық жағдай тіркелді.

Нұрсая ықшам ауданында мектеп оқушысына ит шабуыл жасап, тұрғындар қауіпсіздікке алаңдап отыр.

Әлеуметтік желіде тараған видеода иттің агрессивті мінез көрсетіп, қызды қуып жетуге шақ қалғаны көрінеді.

Абырой болғанда, бұл жолы ешкім зардап шеккен жоқ.

Алайда тұрғындар мұндай жағдайлар соңғы кезде жиілеп кеткенін айтып дабыл қағуда.

Олардың сөзінше, қала көшелерінде қаңғыбас иттердің саны көбейіп кеткен.

Әсіресе балалар мен қарттар жүретін аумақтарда қауіп күшейгені айтылып отыр.

Тұрғындар жауапты мекемелер мәселені бақылауда ұстай алмай отыр деп наразы.

Қаңғыбас иттерді аулау және қауіпсіздікті қамтамасыз ету жұмыстары қалай жүріп жатқаны белгісіз.

Видео дереккөзі: ze_atyrau.