Қарағандыдағы қайғылы оқиға: кінәлі кім – жүргізуші ме, әлде ескі бағана ма?
Қарағандыда әйел адамның үстіне жарық бағанасы құлап, ол ауруханада көз жұмды. Оқиғаға арнайы техника себеп болуы мүмкін дейді.
Қарағандыда әйелдің үстіне жарық бағанасы құлап, зардап шеккен адам ауруханада көз жұмды, деп хабарлайды Qazaqtoday ақпарат агенттігі.
Қайғылы оқиға қаланың 22-шағын ауданында болған. Басына темір бағана құлаған әйел дереу ауруханаға жеткізілгенімен, дәрігерлер оның өмірін сақтап қала алмады.
Алдын ала мәлімет бойынша, қайғылы жағдайға арнайы техниканың кабельді іліп кетуі себеп болуы мүмкін. Соның салдарынан бағана орнынан қозғалып, жақын жерде кетіп бара жатқан әйелдің үстіне құлаған.
Алайда арнайы техника жүргізушісінің жұмыс берушісі бұл айыпты мойындамай отыр. Олардың сөзінше, жарық бағанасының өзі апатты жағдайда тұрған.
Қазіргі уақытта осы оқиғаға байланысты қылмыстық іс қозғалып, тиісті сараптамалар тағайындалды. Тергеу оқиғаның нақты себеп-салдарын анықтайды.
Фото: Әлеуметтік желіден
