Жетісу облысында әкесін ұрған ағайынды жігіттер қамалды
Фото: Zakon.kz
Бұл туралы Жетісу облыcтық полиция департаменті хабарлады. Бұл туралы QazaqToday.info ақпараттық порталы хабарлайды.
Енді туған балалары 90 күн бойы әкесіне жақындамауы қажет.
Жақында 62 жастағы ер адамның видеосы әлеуметтік желі арқылы таралды. Бейнежазбада Ақсу ауданының тұрғыны екі ұлынан зәбір көріп отырғанын айтқан.
Полицияның хабарлауынша, ер адам 12 ақпанда арызданған. Осыдан кейін ұрып-соғу фактісі бойынша қылмыстық іс қозғалған.
«Тергеу барысында құқыққа қайшы әрекеттерді оның 31 және 34 жастағы екі ұлы жасағаны анықталды. Сот үкімімен олар кінәлі деп танылып, әрқайсысына қамау түріндегі жаза тағайындалды. Істі қарау барысында сот олардың мінез-құлқына 3 ай мерзімге ерекше талаптар белгіледі. Бостандыққа шыққаннан кейін екеуі де профилактикалық есепке алынады», – делінген департамент таратқан хабарламада.
