Әкесінен айырылған Данченко: «Шаңырақты ұстап тұрған – ана жүрегі»
Тележүргізуші Анна Данченко әкесінен айырылғаннан кейінгі жантебірентерлік жазбасымен бөлісті. Ол анасының мейірімі отбасын қалай сақтап қалғанын айтты.
Белгілі тележүргізуші Анна Данченко әлеуметтік желідегі парақшасында әкесінен айырылғаннан кейінгі сезімдерімен бөлісіп, анасының сабыры мен мейіріміне ерекше тоқталды, деп хабарлайды Qazaqtoday ақпарат агенттігі.
Ол әкесінің қамқорлығы мен отбасына сыйлаған жылулығын еске алып, оның жоқтығы қазір қатты білінетінін жазған. Жүргізушінің айтуынша, осындай қиын сәтте анасының сабырлылығы мен мейірімі отбасының берекесін сақтап, қара шаңырақты құлатпай ұстап отыр.
«Әке кеткенімен, оның шуағы өшпейді. Сол шуақты жалғап, шаңырақты ұстап тұрған — Ана жүрегі», — деп жазды Анна Данченко.
Тележүргізушінің толық жазбасымен оның Instagram парақшасынан танысуға болады.
Фото: Әлеуметтік желіден
