Олимпиада: қазақстандықтар бүгін медаль үшін таласады. Толық кесте
Бүгін Олимпиадада қазақстандық спортшылар үш спорт түрінен бақ сынайды. Жарыстардың толық кестесі мен тікелей эфир уақыты жарияланды.
Бүгін Олимпиада ойындарында Қазақстан құрамасының спортшылары үш спорт түрінен сынға түседі, деп хабарлайды Qazaqtoday ақпарат агенттігі.
Астана уақытымен сағат 14:45-те фристайл-акробатикадан аралас командалық жарыс басталады. Еліміздің намысын Роман Иванов, Асан Асылхан және Аяна Жолдас қорғайды. Финалдық кезең сағат 15:45-ке жоспарланған. Жарысты «Хабар» телеарнасы тікелей эфирде көрсетеді.
Сағат 15:00-де шаңғы жарысынан ерлер арасындағы 50 шақырымдық масс-старт жалауын желбіретеді. Бұл сында Наиль Башмаков пен Әмірғали Мұратбеков бақ сынайды. Бұл бәсекені «Qazsport» телеарнасынан тамашалауға болады.
Кешкі бағдарламада, сағат 19:50-де конькимен жүгіру спортынан әйелдер арасындағы масс-старттың жартылай финалы өтеді. Бұл жарыста Елизавета Голубева мұз айдынына шығады. Финалдық сын сағат 21:15-те басталады. Тікелей трансляцияны «Qazsport» арнасы жүргізеді.
Қазіргі уақытта Олимпиаданың жалпы медаль есебінде Норвегия көш бастап тұр. Олардың қоржынында 37 медаль бар, оның 17-сі – алтын. Екінші орында 29 медальмен (10 алтын) АҚШ құрамасы орналасса, үздік үштікті 27 медальмен (9 алтын) Италия түйіндеп тұр.
Фото: Әлеуметтік желіден
