Самоделкина Олимпиададағы алғашқы сынақтан сүрінбей өтті
Миландағы Олимпиадада қазақстандық мәнерлеп сырғанаушы Софья Самоделкина қысқа бағдарламадан сәтті өтіп, финалдық кезеңге жолдама алды.
file_513.jpg
Италияның Милан қаласында өтіп жатқан 2026 жылғы Қысқы Олимпиада ойындарында қазақстандық мәнерлеп сырғанаушы Софья Самоделкина еркін бағдарламаға жолдама алды, деп хабарлайды Qazaqtoday ақпарат агенттігі.
Спортшымыз қысқа бағдарламада өнер көрсетіп, төрешілерден 68,47 ұпай жинады.
Бұл нәтиже оған жарыстың келесі, шешуші кезеңіне өтуге мүмкіндік берді. Самоделкина жалпы есепте үздік 24 спортшының қатарына еніп, енді медаль үшін күресті жалғастырады.
Фото: Әлеуметтік желіден
