Ирандағы наразылық: Құрбандар саны 6000-ға жетуі мүмкін деген қауіп бар
Норвегиядағы құқық қорғау ұйымы Ирандағы қақтығыстардан қаза тапқандар саны 6000-ға жетуі мүмкін екенін мәлімдеді. Елдегі жағдай ушығып тұр.
Норвегияда орналасқан Iran Human Rights (IHR) құқық қорғау ұйымының мәліметінше, Ирандағы қақтығыстар кезінде қаза тапқандар саны кемінде 648 адамға жетті, деп хабарлайды Qazaqtoday ақпарат агенттігі.
Алайда құқық қорғаушылар елде интернеттің өшірілуіне байланысты көптеген ақпаратты тексеру мүмкін емес екенін айтады. Олардың болжамы бойынша, нақты құрбандар саны әлдеқайда көп болуы ықтимал.
IHR ұйымының пайымдауынша, қаза тапқандардың жалпы саны алты мыңға дейін жетуі мүмкін.
28 желтоқсанда экономикалық қиындықтардан басталған наразылық шерулері қазір Иранның ислам билігіне төнген ең үлкен қауіптердің біріне айналды.
Осы жағдайлар аясында ресми Тегеран АҚШ-пен соғысқа да, келіссөздер жүргізуге де дайын екенін мәлімдеді.
