Көкшетауда теміржол бойында әйел қаза тапты: полиция тергеу бастады
Көкшетауда пойыз қағып кеткен әйел қаза тапты. Полиция қылмыстық іс қозғап, оқиғаның барлық мән-жайын анықтап жатыр.
Көкшетауда теміржол бойында пойыз қағып кеткен әйел оқиға орнында қаза тапты, деп хабарлайды Qazaqtoday ақпарат агенттігі.
Алдын ала мәлімет бойынша, әйел теміржолды белгіленбеген жерден кесіп өтпек болған. Оқиға болған сәтте пойыз тоқтап үлгермей, жаяу жүргіншіні қағып кеткен.
Көлік полициясы оқиғаға байланысты қылмыстық іс қозғады. Тергеушілер куәгерлерден жауап алып, болған жайттың нақты мән-жайын анықтап жатыр.
Көлік полициясы департаменті тұрғындарға теміржол маңында қауіпсіздік талаптарын қатаң сақтауды ескертті. Полиция өкілдері рұқсат етілген өткелдерді ғана пайдаланып, жақындап келе жатқан пойызға дер кезінде назар аударуға шақырды.
Фото: Әлеуметтік желіден
