Зеленский мен Макрон Парижде Украинаға көмек жайын талқылады
Парижде Зеленский мен Макрон Украинаға әскери және дипломатиялық қолдау жайын талқылады. Кездесуден кейін Зеленский АҚШ делегациясымен жолығады.
Франция астанасы Парижде Украина президенті Владимир Зеленский мен Франция президенті Эммануэль Макрон келіссөздер өткізді. Кездесуде әскер мен дипломатия саласындағы қолдауды күшейту, соның ішінде әуе қорғанысына арналған зымыран жеткізуді жалғастыру жолдары сөз болды, деп хабарлайды Qazaqtoday ақпарат агенттігі.
Зеленскийдің айтуынша, пікір алмасу барысында тараптар Украинаның қорғанысын нығайту жайын, сондай-ақ ресейлік шабуылдарға қарсы тұру мүмкіндіктерін жан-жақты талқылаған.
«Президент Макронмен кездесу кезінде Украинаға нақты қолдау көрсету, қорғанысымызды күшейту және дипломатиялық бағыттағы қадамдарымыз турасында егжей-тегжейлі әңгімелестік», — деп жазды Зеленский өзінің Telegram парақшасында.
Франциядағы сапары барысында Зеленский АҚШ президентінің арнайы өкілі Стив Уиткоффпен және АҚШ президенті Дональд Трамптың күйеу баласы Джаред Кушнермен де кездесуді жоспарлап отыр.
Осы кездесуден кейін Украина басшысы жабық есік жағдайында өтетін «қазіргі коалиция» саммитіне қатыспақ. Саммитке қатысушылардың алдын ала дайындаған құжатына сәйкес, Украинаға берілетін әскери көмекті жалғастыру, соғыстан кейін қауіпсіздік кепілдігін ұсыну және Ресейдің жаңа шабуылы болған жағдайда Киевке қолдау көрсету туралы келісім жасалмақ.
Фото: ВВС
