Президент жұмыс сапарымен Солтүстік Қазақстан облысына барды, деп хабарлайды Qazaq.today ақпараттық агенттігі. Бұл туралы Ақорданың баспасөз қызметі мәлім етті.
Іссапар барысында Қасым-Жомарт Тоқаев Солтүстік Қазақстан облысында өңірдің көктемгі егіс науқанымен танысып, ауыл шаруашылығы тауарын өндірушілермен кездеседі деп жоспарланып отыр.
Сонымен қатар Қасым-Жомарт Тоқаев аймақтағы әлеуметтік нысандарды аралап көреді
Фото: Ақорда
Бұдан бөлек, Президент 30 мамыр күні Ақордада бірқатар мемлекеттің елшілерінен сенім грамоталарын қабылдайды.
Қасым-Жомарт Тоқаев 2 маусымда Қырғызстанның Шолпан-Ата қаласында өтетін екінші «Орталық Азия – Еуропалық Одақ» саммитіне қатысады деп жоспарланып отыр.
