«33 — жай ғана сан емес»: Төреғали Төреәлі туған күнін дүркіретіп атап өтті (ВИДЕО)

Фото: Видеодан алынған кадр

Белгілі әнші Төреғали Төреәлі өзінің 33 жасын отбасымен бірге дүркіретіп атап өтті, деп хабарлайды Skifnews.kz ақпарат порталы.

Бұл туралы өнер иесі өзінің Instagram парақшасында жариялады. Ол өнердегі бірқатар әріптестерінің басын қосқан.

 

«Бүгін мен үшін ерекше күн.

Менің өмірімнің 33-беті ашылды.

33 — жай ғана сан емес.

Бұл — өткенге шүкіршілік, келешекке жауапкершілік.

Бұл — сабыр мен сенімнің жасы.

Өмір маған көп нәрсе үйретті.

Жоғалтуды да, табуды да,

қателесуді де, қайта тұруды да.

Ал бәрінен бұрын — шүкір етуді.

Мен бүгін туған күнімді атап өтсем,

ертеңнен бастап ел арасына шығамын —

үлкен тур басталады.

Байқоңырдан бастап, Қызылордаға,

әр қалаға, әр жүрекке сапар шегемін.

Мен үшін әр концерт —

ән ғана емес, кездесу.

Халықпен, өзіммен, Алламен кездесу.

Алғыс айту — парыз.

Ата-анама — өмір мен тәрбие үшін.

Жарыма, Толқынға — әр күнімнің тыныштығы болғаны үшін.

Балаларыма — өмірімнің жалғасы, үмітім болғаны үшін.

Жақындарыма — сенім мен мейірім үшін.

Халқыма — мені Төреғали еткен жүрек үшін.

Бүгін мен 33-темін.

Бірақ менің жолым енді ғана басталды.

Өмір — сахна емес,

Өмір — сынақ пен сауаптың сапары.

Мен сол сапарда — әнмен, ниетпен, жүрекпен келемін.

???????? Кездесейік, туған елім.

Байқоңырда, Қызылордада, әр қалада — сіздермен», — деп жазды әнші.

 

Сондай-ақ, әнші осы кеште өзінің Қазақтан бойынша «Toresh Show» концертімен жеке туры басталатынын да хабарлады.

Өнер иесі бұл жаңалықпен шектелмей, айтулы күнде өзінің тұңғыш қызы Кәусарға арналған әнінің тұсауын кесті. Ал жары Толқын ерекше балаларға арналған «Кәусар» атты қор ашып, мұқтаж жандарға көмектесуді өз қолына алмақ. Төреғали Төреәлінің концертінен түскен ақша осы қорға аударылып, қайырымдылық мақсатта жұмсалады.