Жаркент тұрғыны кішкентай қызына темекі тартқызған (ВИДЕО)
Жаркенттегі стадионда бала қарап отырған ер адам кішкентай қызының аузына темекі салып жіберген. Оқиғаның видеосы әлеуметтік желіге таралып кеткен соң оған полиция назар аударды, деп хабарлайды Qazaq Today ақпарат поралы.
Кадрдан байқағынымыздай, ер адамның жанында бірнеше бала ойнап отырған. Бір кезде ер адам шамамен екі жасар қызының аузына өз аузындағы темекесін салып, тартқызған.
Жетісу облысының полиция департаменті хабарлағандай, видеодағы адамның кім екені анықталып, ол жазаланған.
«Бұл дегеніміз – ата-ана тарапынан кеткен өрескел қате және баланың денсаулығына аса зиян нәрсе», — деп хабарлады полиция біздің агенттікке берген түсініктемесінде.
Видеоны зерделеген полиция ер адамды әкімшілік жауапкершілікке тартқан. Сондай-ақ қоғамдық орында темекі тартқаны үшін де жазаланды.
