АҚШ елшілігі өз азаматтарын Израильден эвакуациялай алмай отыр
Фото: en.wikipedia.org
АҚШ-тың Израильдегі елшілігі әзірге америкалық азаматтарды эвакуациялауға мүмкіндігі жоқ екенін мәлімдеді, деп хабарлайды Qazaq Todaу ақпарат порталы Kazinform-ға сілтеме жасап.
Мәлімдемеге сәйкес, АҚШ-тың Иерусалимдегі елшілігі сейсенбі, 17 маусымда жабылады.
— Қазіргі қауіпсіздік жағдайы және Израиль мен Иран арасындағы жалғасып жатқан қақтығысқа байланысты АҚШ елшілігі АҚШ-тың барлық мемлекеттік қызметкерлері мен олардың отбасыларына келесі ескертуге дейін үйлерінде немесе жақын маңында болуды бұйырды, — делінген елшіліктің Х әлеуметтік желіде таратқан хабарламасында.
АҚШ елшілігі сондай-ақ қазіргі уақытта америкалық азаматтарды эвакуациялауға немесе Израильден кетуге тікелей көмектесуге мүмкіндігі жоқ екенін хабарлайды.
