Атырау облысында жер сілкінді

Жерасты дүмпуі Жылыой ауданының орталығы – Құлсары қаласынан 120 шақырым қашықтықта тіркелген.

Қазақ ұлттық деректер орталығының жедел мәліметіне қарағанда, жер сілкінісі 10 сәуірге қараған түнде болған, деп хабарлайды Qazaq Today ақпарат порталы.

«Астана уақытымен түнгі 01 сағат 40 минутта (Гринвич бойынша 09 сәуір 20 сағат 40 мин) Құлсары қаласынан оңтүстік-шығысқа қарай 120 шақырым жерде сілкінісі болды. Эпицентрдің координаттары: 45.95 градус солтүстік ендік, 54.28 градус шығыс бойлық. Магнитудасы mb=4.3. Энергетикалық класс К=9.1.,» — деп хабарлады аталған орталықтан.

Осыған орай Атырау облыстық Төтенше жағдайлар департаментінен Сейсмология институтында жер сілкінісі бойынша дерек тіркелмегенін мәлім етті.