Арғын Нығматулин Қазақстаннан тергеу басталғанға дейін кеткен — Антикор
Фото: «Сарыарқа» ХК
ҚР Сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев күдікке ілінген Арғын Нығматулинді іздеу жұмыстарына қатысты түсінік берді, деп хабарлайды Qazaq Today ақпарат порталы Kazinform-ға сілтеме жасап.
– Тергеу басталғанға дейін оның Қазақстанда болмағанын білеміз. Ол Қазақстанда жоқ. Оны іздеу жұмыстары жалғасып жатыр, — деді Дархан Құрақбаев Сенатта тілшілер сұрағына жауап бере отырып.
Айта кетейік, 3 наурызда белгілі болғандай еліміздің прокуратура органдары бұрынғы Мәжіліс спикері Нұрлан Нығматулиннің ағасы Арғын Нығматулинге іздеу жариялады.
Кейін Прокуратура органдарының бастама жасауымен Сыбайлас жемқорлыққа қарсы іс-қимыл агенттігі іздеу жариялаған А. Нығматулиннің үстінен қандай бап бойынша іс қозғалғаны мәлім болды.
