Астанада полицей спорт залдағы жаттығулардан кейін көз жұмды

Астана полиция департаментінің баспасөз қызметі өз қызметкерінің қайтыс болғанын растады, деп хабарлайды Qazaq Today ақпарат порталы.

Қауіпсіздік қызметкері күштік жаттығудан кейін есін жоғалтқан.

«Жедел жәрдем бригадасы дереу реанимациялық шаралар қабылдағанымен, оны аман алып қалу мүмкін болмады. Медициналық қорытынды бойынша өлімнің себебі миокард инфарктісі болған», – деп хабарланды.

Ішкі істер министрі Ержан Сәденов старшы инспектор, арнайы жылдам әрекет ету бөлімшесінің қызметкері Қасымхан Мелдебековтың қайтыс болғанын хабарлады.

«Ол өз қызметіне адал болған, қызметіне және еліне берілген офицер еді. Оның мемлекет алдындағы еңбегі бағаланбас», – деп жазды министр Instagram парақшасында.

Министрлік Мелдебековтың отбасына барлық қажетті көмек көрсететінін қосымша атап өтті.