Алматыда метро рельсіне құлаған ер адам опат болды
Алматыда 26 жастағы ер адам метроның рельсіне құлап кетіп, қаза тапты, деп хабарлайды Qazaq Today ақпарат порталы.
Желіде оқиға орнынан түсірілген бейнежазба таралып жатыр. Ақпаратқа сәйкес, адамдар «Абай» метро станциясындағы рельстерге құлаған ер адамды құтқаруға тырысқаны бейнеленген.
Қалалық полиция департаменті бұл дерек бойынша тергеу жүргізіп жатыр.
«Жазатайым оқиға салдарынан көру қабілеті бұзылған 26 жастағы ер адам қаза тапты. Басқа жағдайлар анықталып жатыр», — деп хабарлады полиция.
