Сағат белдеуі: eGov mobile ел халқы арасында сауалнама өткізіп жатыр
Электронды үкіметтің eGov mobile мобильді қосымшасында уақыт белдеуіне қатысты сауалнама жарияланды, деп хабарлайды Qazaq Today ақпарат агенттігі Azattyq Rýhy сайтына сілтеме жасап.
eGov mobile-ға кіргеннен кейін төмендегі «хабарламалар» деген бөлімнен «сауалнамаларға» өтесіз. Сол жерде кеше ғана жарияланған жаңа сауалнама тұр. Ол «Хронометрика: күнделікті уақытты ұтымды пайдалану» деп аталады.
Бұл сауалнамада бас-аяғы бес сұрақ бар. «Қазіргі уақыт өлшеміне қатысты ойыңыз қандай? Сізге қай уақыт белдеуі ыңғайлы?» деген сауалдар қойылған.
Azattyq Rýhy редакциясы мобильді қосымша арқылы қазақстандықтар арасында кім сауалнама жүргізіп жатқанын және сауалнама нәтижелерін қалай және қашан көруге болатынын анықтап жатыр.
