Светлана Назарбаева қайтыс болды

Қайрат Сатыбалды мен Самат Әбіштің анасы Светлана Назарбаева қайтыс болды. Ол бұрынғы президент Нұрсұлтан Назарбаевтың келіні болды, деп хабарлайды Qazaq Today ақпарат порталы. 

Тиісті ақпаратты саясаттанушы Ербол Еділов өзінің Telegram арнасында хабарлады.

Ашық дереккөздерге сенсек, Светлана Назарбаева Алматы облысы, Бөрлі-төбе ауданы, Лепсі ауылында дүниеге келген. Филолог, педагогика ғылымдарының кандидаты. Еңбек жолын орыс тілі мен әдебиеті пәнінің мұғалімі болып бастаған. Әр жылдары «Дәуір» республикалық полиграфиялық баспа кешенінің бас директоры қызметін атқарды.