Жыл басынан бері 1 тоннадан астам есірткі тәркіленген
Жыл басынан бері заңсыз айналымнан 1 тоннадан астам есірткі заттары тәркіленген, деп хабарлайды Qazaq.today ақпарат порталы.
Оның ішінде 774 кг героин, 155 кг марихуана, 37 кг гашиш және гашиш майы, 34 кг көкнәр, сондай-ақ 1 кг синтетикалық есірткі бар.
Ираннан героиннің ірі партиясын әкелмек болғандардың жолы кесілді. Қылмыстық топ есірткі заттарын тұрмыстық тауарлар ретінде жасыруға тырысқан.
Еуропа, АҚШ және Таиландтан келген есірткі заттары бар 50-ден астам пошта жолданымдары ұсталды.
Қаржылық мониторинг агенттігі АҚШ-тан есірткі заттарын пошта арқылы контрабандалық жолмен жеткізетін жүйелі арнаны жойды.
Нәтижесінде он күдікті уақытша ұстау изоляторына қамалып, 15 кг каннабис сығындысы және 8 кг марихуана тәркіленді.
21 сотталушы түрмеге қамалды, арасында шетел азаматтары да бар.
Фото: istockphoto.com
