Қазақстандық турист Малайзияда суға батып кетті — БАҚ
Құтқарушылар Қазақстаннан келген туристті іздестіріп жатыр, ол, болжам бойынша, курорттық жағажайда шомылып жүріп суға батып кеткен, деп хабарлайды Qazaq.today сайты The Star-ға сілтеме жасап.
«Туаран өрт сөндіру станциясынан келген жеті құтқарушыдан құралған топ оқиға орнына 5 қыркүйек, бейсенбі күні жергілікті уақыт бойынша таңғы 8:19-да шақыруды алған соң келді», — деп хабарлайды The Star.
Ер адамның жүзе алатыны немесе оқиғаның не себепті орын алғаны әзірге нақтыланған жоқ.
Фото: Envato
