Екібастұзда 5 жасар бала ацетон ішіп қойған

Павлодар облысында ацетон ішіп, уланған бала ауруханаға жеткізілді, деп хабарлайды Qazaq Today ақпарат порталы.

Денсаулық сақтау басқармасы баспасөз қызметінің мәліметінше, балабақшадағы 5 жасар балаға  «жедел жәрдем» шақырылған. Дәрігерлер алдын ала химиялық улану (ацетон) диагнозын қойып, асқазанды тазалауға кірісті.

Білім беру бөлімінің мәліметінше, қызметтік тексеру барысында балабақша тәрбиешісінің көмекшісі химиялық сұйықтық құйылған бөтелкені жуынатын бөлмеде қалдырып кеткені анықталды. Кәмелетке толмаған бала бөтелкені алып, бір жұтым алды.

«Қазір тергеу амалдары жүріп жатыр. Олардың нәтижелері бойынша тиісті шаралар қабылданатын болады», – деп түсіндірді Екібастұз қаласы білім беру бөлімінің басшысы Лаура Дисюпова.

Фото: Pixabay