Бізге қазақ мектебі қажет емес – СҚО тұрғыны
Бұл туралы Facebook қолданушысы Руслан Тусупбеков өз парақшасында жариялады.
Парақшадағы видеода Докучаев аулының егде жастағы екі тұрғыны әңгіме барысында ауылдың құрылғанына 70 жыл толғанын және мұнда халыққа бар жағдай жасалғанын, жұмыс істеймін деген адамға жұмыс та табылатынын айтады.
Ал ауылдағы орыс мектебінде қазақ сыныбы жоқ екені белгілі болды.
Видео авторының “Неге қазақ сыныбын ашпайды?” деген сұрағына тұрғын “Бұл жағдай бізді қанағаттандырады” деп қазақ тілге деген қажеттілік жоқ екенін меңзегендей болды. Өйткені мұнда қазақтар ғана емес көбіне аралас этнос өкілдері тұрады екен.
Ал “Ауыл тұрғындары “Бізге қазақ мектебі керек деп неге шықпайды?” деген сұраққа тұрғын “Жоқ!” деп жауап қатты.
“Не улыбайтесь, не натравливайте нас. Орыс, қазақ, татар, неміс, чуваш бәріміз жақсы тұрамыз”, — дейді Докучаев ауылының тұрғыны.
Пост авторы “НЕ НАТРАВЛИВАЙТЕ деп қояды мына апамыз қазақ мектебі неге жоқ деген сұраққа. Қарияларда ұлттық намыс болмаған аса қиын екен. Жалпы, Солтүстік Қазақстанда ұлттық идеология қалыптаспаған сияқты ғой әлі, деп жазды.
