Астана маңындағы су қоймасына бір отбасының төрт мүшесі батып кетті
Астанадағы су қоймасында бір отбасыдан төрт адам суға батып кетті. Құтқарушылар әлі екі адамның денесін таппады, деп хабарлайды Qazaq.today.
Ақмола облысы ТЖД баспасөз қызметі мәліметінше, қайғылы оқиға Аршалы ауданы, Арнасай ауылынан 2 шақырым жерде болған.
«Оқиға куәгерлері 1980 жылы туған әйел мен 2001 жылы туған қыздың мәйіттерін тапты. 1977 және 2000 жылы туған екі ер адамның денесін іздестіру жұмыстарын Ақмола облысы Төтенше жағдайлар департаменті мен Астана құтқарушылары жүргізіп жатыр», — делінген ведомство таратқан хабарламада.
