Магниттік дауыл жүріп жатыр: Неден аулақ болу керек?
ИКИ күн астрономиясы зертханасының ғалымдары 24 шілдеде таңғы 6-дан түске дейін болжанған магниттік дауыл бар екендігін растады, деп хабарлайды Qazaq Today ақпарат порталы Zakon.kz сайтына сілтеме жасап.
Зертхананың мәліметі бойынша, дауыл G1-G2 деңгейінде өтеді (ең жоғары — G5).
Ғалымдардың болжауынша, енді тамыз айының аяғына дейін магнитосфера тыныш болады.
Дәрігерлер дауыл кезінде келесі сақтық шараларын қолдануды ұсынады:
- физикалық және психикалық жүктемені азайту,
- стресстен аулақ болу,
- жақсы демалу.
Әсіресе магниттік дауылдардың әсеріне ұшыраған адамдар үшін алкоголь мен күшті кофеинді сусындардан аулақ болған жөн, өйткені олар теріс әсерді күшейтуі мүмкін. Таза ауада көбірек уақыт өткізу пайдалы, бұл геомагниттік бұзылулардың тамыр жүйесіне әсерін азайтуға көмектеседі. Таза ауа және қалыпты физикалық белсенділік қан айналымын жақсартуға және дененің жалпы релаксациясына ықпал етеді.
Фото: pixabay
