Қарағанды облысында 20-ға жуық мектеп директоры жауапқа тартылды
Қарағанды облысында 19 мектептің директоры жауапқа тартылды, деп хабарлайды Qazaq Today ақпарат агенттігі.
Прокурорлар тексеріс барысында білім ошақтарында ішек таяқшасы бактериясын анықтап, жарамдылық мерзімі өтіп кеткен дәрі-дәрмектерді тапқан.
Заңбұзушылықтар мұнымен бітпейді. Нұра ауданының мектептерінде өрт қауіпсіздігін сақтамалмаған, санитарлық-эпидемиологиялық және денсаулық сақтау саласы бойынша бірқатар ереже бұзылған.
Сонымен қатар дезинфекциялық сұйықтық талапқа сай жасалмағаны да әшкереленген. Бұл олқылықтарға жол мектеп директорларына айыппұл салынса, 17 лауазымды тұлға тәртіптік жауапкершілікке тартылды.
