Семейде 33 жастағы әйелді бұрынғы жігіті көлікпен таптап өлтірді
Семейде ер адам бұрынғы сүйіктісі 33 жастағы Диана Сүлейменова көлікпен таптап өлтірді, деп хабарлайды Qazaq.today агенттігі. Абай облысы полиция департаменті баспасөз қызметі күдіктінің ұсталғанын мәлімдеді.
Алған жарақатынан әйел ауруханада көз жұмды. Ол 15 сағат комада жатқан. Алған сараптамалар оның бұрын да зорлық-зомбылыққа ұшырағанын көрсеткен.
«Аталған факті бойынша Әуезов полиция басқармасы сотқа дейінгі тергеу амалдарын жүргізіп жатыр. Күдікті анықталып, ұсталды. Оның кінәсі қылмыстық іс материалдарымен, сот-медициналық сараптамалармен дәлелденді. Қазіргі уақытта күдікті сотқа берілген»,- делінген хабарламада.
Ведомство хабарлағандай, қылмыстық іс жүргізу кодексінің 201-бабы 1-бөлігіне сәйкес сотқа дейінгі тергеп-тексерудің өзге деректері жария етілмейді.
