Мүгедек таксисті алдап, ақшасын төлемей кеткен жолаушы ұсталды
Фото: Видеодан алынған кадр
22 жастағы жолаушының бұрын да алаяқтық жасағаны белгілі болды, деп хабарлайды Qazaq Today ақпарат агенттігі.
Polisia.kz мәліметінше, полиция такси жүргізушісіне жол ақысын төлемеген жолаушыны анықтады.
«Интернетте елорда тұрғыны жариялаған видео кең тарады. Ол бейтаныс жігіттің әкесін алдағанын, бизнес-такси қызметіне тапсырыс беріп, қаланы аралағаннан кейін ақшасын төлемей кеткенін баяндаған. Полиция көп ұзамай жолаушыны анықтады. Ол келтірілген залалды толығымен өтеп, кешірім сұрады. Жәбірленуші тарап арыздан бас тартты», — делінген хабарламада.
Yandex go жүргізушінің көлікте болған жайттың бейнежазбасына түсініктеме берді.
«Біздің қолдау қызметіміз жүргізушімен байланысып, тапсырыстың орнын толтырды. Пайдаланушыны міндетті түрде тексереміз», — деді мекеме.
