Костенко шахтасындағы жарылыс: көз жұмғандар саны 32-ге жетті
Қарағандыдағы шахтада қаза тапқандар саны 32-ге жетті, деп хабарлайды Qazaq.today Ulysmedia.kz-ке сілтеме жасап.
Сағат 16:00-дегі мәлімет бойынша, Костенко шахтасында қаза тапқан 32 адамның мәйіті табылды, 14 кеншіні іздеу жұмыстары жалғасуда.
Бүгін түнде Костенко шахтасында жарылыс болды. Айта кетейік, «Қазақстан» кенішінде («АрселорМиттал Теміртау» компаниясына тиесілі) жақында болған қайғылы оқиғадан бері небәрі 2 ай өтті. Жақында «Қазақстан» кенішіндегі өрттен кейінгі кеншілердің қазасына басшылықтың 100% кінәлі екені белгілі болды.
АМТ кәсіпорындарындағы өліммен аяқталған жазатайым оқиғалардың барлық шектен шыққан статистикасы интернет қолданушылардың ғана емес, мемлекет басшысынан бастап шенеуніктердің де наразылығын тудырды.
Qazaq.today
