Белгісіз адамдар депутат Бақытжан Базарбектің баласының бесік арбасын өртеп кеткен

Алматыда белгісіз біреулер Мәжіліс депутаты Бақытжан Базарбектің отбасына тиесілі балалар арбасын өртеп жіберген, деп хабарлайды Qazaq.today.

Оқиға қаладағы тұрғын үйлердің бірінің кіреберісінде болған. Бұл туралы депутат желідегі парақшасында жариялады.

«Менің отбасыма белгісіз біреулерден қоқан-лоққыға ұксайтын әрекеттер басталды. Кішкентай балапанымның коляскасын пәтеріміздің есігі алдында жағып жіберген. Осылай, Ескі Қазақстанның өкілдері өзінің бар-жоғын ескертіп, білдіртіп отырғандай сезінесің! Не болса да, тергеу қорытындысын күтейік», — деп жазды ол.

Жер мәселесін жиі көтеріп жүретін мәжілісмен Бақытжан Базарбек «Халыққа жартылай қызмет ету деген болмауы тиіс, толық қызмет ету керек» деген еді.

Qazaq.today