Тоқаев жаңа Экология және табиғи ресурстар министрін тағайындады

Мемлекет басшысының Жарлығымен Ерлан Нұралыұлы Нысанбаев Қазақстан Республикасының Экология және табиғи ресурстар министрі лауазымына тағайындалды, – делінген Ақорда хабарламасында.

Ерлан Нысанбаев 1961 жылы Алматы облысында дүниеге келген. Қазақ Еңбек Қызыл Ту орденді ауыл шаруашылығы институтын, Абай атындағы Қазақ ұлттық педагогикалық университетін бітірген. Еңбек жолын 1983 жылы бастаған. Түрлі жылдары коммерциялық сектор мен мемлекеттік құрылымдарда жұмыс істеді.

• • 2014-2019 жылдары – Ауыл шаруашылығы вице-министрі.

• • 2019 жылғы шілдеден бастап бүгінге дейін Экология, геология және табиғи ресурстар вице-министрі қызметін атқарды.

Бұған дейін Экология, геология және табиғи ресурстар министрі қызметін Зүлфия Сүлейменова атқарды.