Орал қаласында көпқабатты үйдегі өрттен 2 адам қаза тапты

Орал қаласында көпқабатты үй өртеніп, 2 адам қаза тапты, деп хабарлайды Qazaq.today БҚО ТЖД баспасөз қызметіне сілтеме жасап.

Оқиға 31 тамыз күні сағат 05:19-да Х.Есенжанов көшесі 1/1-мекенжайында болды.

«Өрт сегізінші қабаттағы қосалқы үй-жайдан басталған. Өрт сөндірушілердің күшімен 18 адам құтқарылды. Оған қоса 27 адам эвакуацияланды. Пәтерлердің бірінен улану белгілерімен 1973 жылғы ер адамның мүрдесі табылды. 1979 жылғы әйел жедел жәрдем көлігінде көз жұмды. «Тілсіз жау» сағат 06:09-да оқшауланып, 06:34-те толықтай сөндірілді», — деп хабарлады ведомстводан.

Qazaq.today