Алматы облысында заңсыз сатылмақ болған 1,3 млрд теңгенің темекісі тәркіленді
Алматы облысында акциздік төлемсіз астыртын сатуға арналған 2 млн-нан аса шетелдік темекі қораптары сақталған қойма анықталды, деп хабарлайды Qazaq.today Ulysmedia.kz-ке сілтеме жасап.
Қаржылық мониторинг агенттігінің мәліметінше, тергеп-тексеру барысында темекі өнімдерінің құны 1,3 млрд теңгені, ал төленбеген акциз соммасы 580 млн теңгені құрайтыны анықталды.
“Қылмыстық іс сотқа жолданып, темекі өнімдері ел аумағында сатуға жарамсыз болғандығына байланысты (техникалық талаптарға сәйкес келмеуі) жойылды. ҚР ҚПК 201-бабына сәйкес өзге ақпарат жария етуге жатпайды”, – делінген хабарламада.
Еске салайық, бұдан бұрын Жетісу облысында заңсыз тасымалданған 10 мың қорап темекі тәркіленген еді.
Qazaq.today
