Екібастұзда газ құю бекетіндегі өрттен бір адам қайтыс болды
Бүгін сағат 13.24-те Екібастұз қаласындағы Қонаев көшесінде орналасқан АГҚБ газ құйылған 4 резервуар өртенген еді. Бұған дейін хабарланғандай, оқиға орнында шамамен 40 газ баллон болған, деп хабарлайды Qazaq.today Halyq-uni-не сілтеме жасап.
Төтенше жағдайлар министрлігінің хабарлауынша, өрт жақын маңдағы «Феруза» азық-түлік дүкеніне өтіп, шамамен 200 шаршы метр аумақтағы шатыр мен 20 шаршы метрді алып жатқан су мұнарасының шатыры өртенді.
Сағат 15.22-де цистернаның жанынан ер адамның денесі табылды. Қазір оның кім екенін анықталып жатыр.
Өрт 15.00-де оқшаулауланып, 15.44-те сөндірілді. Оқиғаның мән-жайы анықталуда, – делінген хабарламада.
Жеке сектор жолдың арғы жағында 100 метрден астам қашықтықта орналасқан. Тұрғындарды эвакуациялау жүргізілген жоқ.
Qazaq.today
