Краковтағы атыстан алты адам қаза тауып, 15 адам жараланды
Фото: видеодан скрин
Польшаның Краков қаласында қарулы шабуыл болып, алты адам қаза тапты, тағы 15 адам жараланды. Оқиға 7 қарашада қаланың орталығындағы Бас алаң маңында болған. Қарулы ер адам көлікпен келіп, көшедегі адамдарға оқ атқан, деп жазады Qazaqtoday.info ақпарат порталы.
Польша прокуратурасының мәліметінше, шабуыл жасады деген күдікке ілінген 24 жастағы Михал Оксиньскийді полицейлер оқ атып тоқтатқан. Ол ауруханада көз жұмған. Тергеу дерегіне сәйкес, күдікті бұған дейін Островец-Швентокшиски қаласындағы үйінде ата-анасы мен әпкесін өлтірген болуы мүмкін.
Оқиға кезінде екі полиция қызметкері де жараланған. Прокуратура шабуылға қатысты тергеуді кісі өлтіру, бірнеше адамды өлтіруге оқталу және террорлық сипаттағы қылмыс баптары бойынша жүргізіп жатыр.
