«Су жоқ, ағаштар қурап жатыр»: Балқаштағы саябақтың жағдайы тұрғындарды алаңдатты

Фото: видеодан скрин

Балқаш тұрғындары қаладағы саябақтардың бірінде суару жұмыстары жүргізілмей жатқанын айтып, мәселе көтерді. Желіде тараған видеодан саябақтағы жас көшеттер мен өсімдіктердің қурап, айналасының кеуіп кеткенін көруге болады.

Видео авторының айтуынша, бұл аумақта суару жүйесі мүлде жұмыс істемейді. Тұрғындар күтім болмаса, егілген ағаштардың қурап қалатынына алаңдап отыр. Олар Балқаш қаласының әкімдігін мәселені назарға алып, саябақты суаруды жолға қоюға шақырды. Әзірге жауапты мекемелер тарапынан жағдайға қатысты ресми түсініктеме жарияланған жоқ.

Видео: @reklama_balkhash83