Қазақстан-Қытай шекарасындағы автөткізу пункттері 25 қыркүйекте жабылады
25 қыркүйекте Қазақстан-Қытай шекарасындағы автомобиль өткізу пункттері бір күнге жабылады. Теміржол өткізу пункттері штаттық режимде жұмыс істейді.
Сурет: Ақорда
25 қыркүйекте Қазақстан мен Қытай шекарасындағы автомобиль өткізу пункттері бір тәулікке жабылады. Бұл туралы Халықаралық автомобиль қатынасы комитетінің ресми сайты хабарлады.
Бұл туралы Qazaqtoday.info сайты хабарлайды.
Комитеттің мәлімдеуінше, аталған күні шекарадағы автөткізу пункттері арқылы жеке тұлғаларды, көлік құралдарын және жүктерді өткізу уақытша тоқтатылады. Шектеу Қытайда «Күз ортасы мерекесінің» атап өтілуіне байланысты енгізіліп отыр.
Сонымен қатар хабарламада Қазақстан-Қытай шекарасындағы теміржол өткізу пункттері штаттық режимде жұмысын жалғастыратыны атап өтілген.
«Тасымалдаушылар мен мемлекеттік шекарадан өтуді жоспарлап отырған азаматтарды енгізілген шектеулерді ескере отырып, өз бағыттарын алдын ала жоспарлауға шақырамыз», – делінген хабарламада.
