Гүлзира Айдарбекова Нұрсұлтан Жақсыгеннің сот үкіміне қатысты пікір білдірді
Гүлзира Айдарбекова актер Нұрсұлтан Жақсыгеннің сот үкіміне қатысты пікір білдіріп, жазаны жеңілдету мәселесін қозғады.
Сурет: Коллаж: turkystan.kz
Продюсер Гүлзира Айдарбекова актер Нұрсұлтан Жақсыгенге қатысты сот үкімі жөнінде әлеуметтік желіде ой білдірді. Ол өз жазбасында жасалған қылмыс үшін жауапкершілік болуы керектігін атап өтті. Сонымен қатар жазаны жеңілдету мәселесін де қозғады.
Бұл туралы Qazaqtoday.info сайты хабарлайды.
«Мүмкіндік болса, соншалықты қатыгездік танытпауға да болар ма еді. Ортада бала-шағалары бар шығар. Кісі өлтіріп, қыз зорлап, ұрлық жасаған жоқ. Жеңілдеткені дұрыс ау, кімнің басынан не өтпейді, ешқайсыңыздың бала-шағаңыздың басына бермесін. Әйелі де кішкене жеңілдетсе деп жүрегі ауырып тұрған сияқты. Жазасын алу керек, бірақ кішкене жеңілдетіп 2 жарым жыл емес 1 жылда жеткілікті ма дегенім ғой, ол жақтан түсіп кетпей, қаны безер болып бұзылып келуі де мүмкін ғой», – деп жазды Гүлзира Айдарбекова.
Продюсер бұл пікірді сырттай ғана көріп жүрген адам ретінде жазғанын айтып, оның қандай адам екенін толық білмейтінін жеткізді.
«Сырттай көріп жүргенім болмаса, аса бір танымайды екенмін, қандай адам екенін де хабарым жоқ. Әйтеуір ата-анасы бар, бала-шағасы бар, әйелі бар, ешкім жыламаса дегенім ғой», – деді ол.
