Ағаш кессең — 346 мың теңге: депутат айыппұлдың есебін түсіндіруді талап етті

Фото: видеодан скрин

Қазақстанда ағаш пен бұтаны заңсыз кескені, зақымдағаны немесе жойғаны үшін белгіленген өтемақы мөлшерінің қалай есептелетініне қатысты мәселе көтерілді, деп хабарлайды Qazaqtoday.info ақпарат порталы.

Құрылтай депутаты Ажар Сағандықова қолданыстағы тарифтердің нақты қандай ғылыми және экономикалық есепке сүйеніп белгіленгенін сұрады. 2025 жылдан бастап ағаштың түрі мен жасына қарай келтірілген зиян үшін 9-дан 80 АЕК-ке дейінгі мөлшерлеме қарастырылған. Бұл шамамен 38,9 мыңнан 346 мың теңгеге дейін жетеді. Оның айтуынша, сирек кездесетін өсімдікті жою мен қайта қалпына келтіруге болатын кәдімгі ағашты зақымдаудың экологиялық салдары бірдей емес. Сондай-ақ бір ағашқа келтірілген зиян мен тұтас өсімдіктер қауымдастығына жасалған залалдың ауқымы да бөлек есептелуі керек. Сондықтан Сағандықова жауапкершілікті жеңілдетуді емес, залал мөлшерін өсімдіктің құндылығы, зақымдану деңгейі және оны қалпына келтіру мүмкіндігіне қарай нақты есептеуді ұсынып отыр.