6 жылда өзгермеген жол: Орал тұрғындары батпақ кешіп жүр

Фото: видеодан скрин

Орал тұрғындары алты жылдан бері көшедегі жолдың жөнделмей келе жатқанына шағымданды. Тұрғынның айтуынша, жолдың сиқы осы уақыт ішінде өзгермеген.

Жаңбыр жауса, көше суға толып, лай-батпаққа айналады. Видеодан жолдың ойылып, кей тұсына су жиналып қалғанын көруге болады. Мұндай кезде жаяу жүру де, көлікпен қатынау да қиындай түседі. Мәселені көтерген тұрғын Орал қаласының әкімдігін белгілеп, көшеге назар аударуды сұрады. Ол басқа тұрғындарды да әкімдікке мәселені жеткізуге шақырған. Ал алты жылдан бері жөндеу көрмеген жолдың қашан ретке келтірілетіні әзірге белгісіз.

Видео: @aru.asxatkyzy