«Әкімдіктен күтпедім»: Өскемен тұрғыны қаладағы шұңқырларды өзі жамап жүр
Фото: видеодан скрин
Өскемен тұрғыны Ержан Қалимолла қала көшелеріндегі шұңқырларды өз күшімен бітеп жүргенін әлеуметтік желіде көрсетті, деп хабарлайды Qazaqtoday.info ақпарат порталы.
Ол «ақыр жұмыс жоқ» деп, жолдағы ойықтарды жамауға кіріскенін айтып, тұрғындардан қолдау сұраған. Видеода жол жабынының бірнеше жері ойылып, асфальттың бүлінгені анық көрінеді.
Қалада биыл шұңқырларды жөндеу жұмыстары жүргізіліп жатқанына қарамастан, мұндай учаскелердің әлі де бар екені байқалады: ресми мәлімет бойынша, жыл соңына дейін 41 825 шаршы метр жолдағы шұңқырды жөндеу жоспарланған.
Ал тұрғынның жолды өз қолымен жамауы әлеуметтік желіде жұрттың назарын аударып, қала көшелерінің жағдайына қатысты мәселені қайта көтерді.
