Президент Үкіметтің алдағы міндеттерін айқындады

Мемлекет басшысы Қасым-Жомарт Тоқаев Премьер-министр Олжас Бектеновті қабылдады. Кездесу барысында Президент Үкіметтің алдағы кезеңге арналған басты міндеттерін белгілеп, елдің әлеуметтік-экономикалық дамуына қатысты бірқатар тапсырма берді, деп хабарлайды Qazaqtoday.info сайты.

Мемлекет басшысы экономикалық өсімнің тұрақты қарқынын қамтамасыз ету, мемлекеттік басқару тиімділігін арттыру және азаматтардың әл-ауқатын дәйекті түрде жақсарту қажеттігін атап өтті.

Президент барлық мемлекеттік органдарды ортақ іске жұмылдырып, орындаушылық тәртіпті күшейтуді және Үкімет қызметінде нақты нәтижелерге қол жеткізуге баса мән беруді тапсырды.