Қасым-Жомарт Тоқаев Вице-Президент Ерлан Қаринді қабылдады
Қасым-Жомарт Тоқаев Вице-Президент Ерлан Қаринді қабылдап, оған бірқатар нақты міндет жүктеді. Вице-Президент мемлекеттік саясат мәселелері бойынша Мемлекет басшысының атынан өкілдік ететін болады.
Мемлекет басшысы Вице-Президент лауазымы Қазақстан Республикасының Конституциясымен бекітілгенін және мемлекеттік басқару жүйесінде ерекше мәнге ие екенін атап өтті. Бұл туралы Qazaqtoday.info сайты хабарлайды.
Қабылдау барысында Президент Ерлан Қариннің алдына бірқатар нақты міндет қойды. Атап айтқанда, Вице-Президентке Құрылтаймен, Үкіметпен және басқа да мемлекеттік органдармен өзара іс-қимыл барысында Мемлекет басшысының атынан өкілдік етіп, мемлекеттік саясаттың негізгі мәселелері бойынша ұстанымын жеткізу тапсырылды.
