Президент Құрылтайдағы партия фракцияларының жетекшілерімен кездесті
Қасым-Жомарт Тоқаев Құрылтайдағы партия фракцияларының жетекшілерімен кездесіп, Премьер-Министр лауазымына кандидатураны талқылады.
Мемлекет басшысы Қасым-Жомарт Тоқаев Қазақстан Республикасы Құрылтайындағы саяси партиялар фракцияларының жетекшілерімен кездесу өткізді, деп хабарлайды Qazaqtoday.info сайты.
Кездесу барысында Президент жаңа Конституцияның 46-бабына сәйкес Премьер-Министр лауазымына ұсынылған Олжас Бектеновтің кандидатурасы жөнінде фракция жетекшілерімен кеңесу қажеттігін атап өтті.
Талқылауға «Әділет» партиясы фракциясының жетекшісі Ербол Адаев, «Ауыл» партиясы фракциясының жетекшісі Қайрат Айтуғанов, «Respublica» партиясы фракциясының жетекшісі Айдарбек Қожаназаров, «Ақ жол» партиясы фракциясының жетекшісі Дания Еспаева, Жалпыұлттық социал-демократиялық партия фракциясының жетекшісі Асхат Рақымжанов қатысты.
